Nútíminn myndi að sjálfsögðu aldrei dæma fólk eftir útlitinu. En viðhorf aðdáenda sjónvarpsþáttarins Seinfeld er hins vegar annað.
Aðdáendasíðan Kramers Apartment birtir lista yfir 66 kærustur Seinfeld í þættinum. Notendur síðunnar hafa svo samviskulega gefið hverri kærustu fyrir sig stjörnur og fá þér allar einkunn, frá einum upp í tíu.
Íslenska fyrirsætan Berta María Waagfjörð er í öðru sæti listans en hún leikur ofurfyrirsætuna Bridgette í þættinum The Diplomat’s Club. Hún fær 9,12 í einkunn hjá Seinfeld-nördunum og eina „kærastan“ sem slær henni við er Teri Hatcher leikur Sidru í hinum eftirminnilega The Implant. Sidra er með 9,4 í einkunn.
Berta var farsæl fyrirsæta á sínum tíma og sat meðal annars fyrir í ítalska Vogue. Þá var hún fyrsta íslenska konan til að prýða forsíðuna á Playboy. Þó ekki bandarísku útgáfunni heldur þeirri þýsku:
„Ég var 22 ára gömul og að vinna sem fyrirsæta í Ameríku,“ sagði Bertha í viðtali í Fréttablaðinu árið 2010. „Ég var náttúrlega bara í hátískunni á þessum tíma. Sat fyrir í ítalska Vogue og fleiri álíka blöðum […] Þetta var í fyrsta sinn sem ég var svona ber fyrir framan myndavélina og myndatakan var frekar artí.“
Hún hefur nú sagt skilið við fyrirsætuferilinn og er í dag þriggja barna móðir búsett í Los Angeles.
Fylgdu Nútímanum á Facebook og þú missir ekki af einni einustu frétt.