Ný útgáfa af spurningaappinu Quiz Up var kynnt í síðustu viku. Nýja útgáfan leggur aukna áherslu á samfélagshluta leiksins og hjálpar notendum með svipuð áhugamál að tengjast.
Þorsteinn B. Friðriksson, framkvæmdastjóri Plain Vanilla, hefur kynnt leikinn víða og var í viðtali á viðskiptastöð Fox News í Bandaríkjunum í síðustu viku.
Stjórnandi þáttarins kom Þorsteini á óvart þegar hann spurði hann um höfuðborgir þriggja landa. Þorsteinn stóð á gati sagði á Facebook-síðu sinni að það væri kannski ekki skrýtið, viðtalið var tekið daginn eftir útgáfu á uppfærslunni á Quiz Up og hann var skiljanlega ryðgaður.
Myndbandið hér fyrir neðan er kostuglegt og Þorsteinn spyr meðal annars: „Hvað er ég að gera hérna?“ á meðan spyrillinn þjarmar að honum. Í góðu gríni þó.
https://youtu.be/yqSARorwxxQ