Það var mikið að gera hjá lögreglunni í nótt og fangageymslur á Hverfisgötu eru fullar. Tilkynnt var um mann að selja fíkniefni í hverfinu. Þegar lögregla kom á vettvang þóttist maðurinn vera sofandi í bifreið sinni. Maðurinn var ósáttur við að lögregla væri að gramsa í hans einkamálum en var handtekinn og vistaður í þágu rannsóknar málsins.
Annar maður var stöðvaður við akstur, grunaður um akstur undir áhrifum fíkniefna en auk þess reyndist hann sviptur ökuréttindum.
Kona var handtekin í miðbænum eftir að hringt hafði verið í lögregluna vegna óspekta hennar. Þegar lögregla kom á vettvang neitaði hún að segja til nafns og var ekki viðræðuhæf vegna ölvunar og var hún handtekin og flutt á lögreglustöð.
Tilkynnt um skólausan mann í miðbænum en sá var á ferðinni með ísexi. Maðurinn var mjög ölvaður en var þó mjög rólegur og var ekki að ógna neinum með exinni. Maðurinn handtekinn og fluttur á lögreglustöð til viðræðna.
Lögregla var kölluð út á höfuðborgarsvæðinu vegna ölvunar ungmenna en þegar lögregla kom á svæðið var eitt af ungmennunum með hafnaboltakylfu.