Uppfært: Borgarstjóri hefur tilkynnt að nafni Bratthöfði hafi verið breytt í Svarthöfða.
Í dag var nafni götunnar Bratthöfði breytt í Svarthöfði #betriReykjavik
— Dagur B. Eggertsson (@Dagurb) August 26, 2015
Umhverfis- og skipulagsráð Reykjavíkur samþykkti í dag tillögu um að breyta nafninu á höfða, til dæmis Bíldshöfða, í Svarthöfða. Tillögunni hefur verið vísað til borgarráðs.
Hugmynd var efsta hugmyndin í júlí 2013 í málaflokknum „skipulag“ á vefnum Betri Reykjavík, þar sem borgarbúar geta komið hugmyndum sínum á framfæri. Hugmyndin var send umhverfis- og skipulagsráði Reykjavíkurborgar til meðferðar og var tekin fyrir og samþykkt í dag, tveimur árum síðar.
Óli Gneisti Sóleyjarson lagði fram hugmyndina. Hann er augljóslega mikill Stjörnustríðsaðdáandi þar sem hann stillti sér upp sem Svarthöfði þegar Google var á ferðinni í Breiðholtinu að taka myndir fyrir þjónustu sína Street View.
Óli vinnur einnig að spilinu Kommentakerfið sem er byggt á athugasemdum virkra í athugasemdum við fréttir vefmiðla. Óli hyggst hópfjármagna spilið á vef Karolina Fund.