Tveir handteknir vegna líkamsárása í Reykjavík í nótt

Tveir menn voru handteknir og vistaðir í fangaklefa vegna tveggja líkamsárása í Reykjavík í nótt. Önnur árásin var tilkynnt í hverfi 110 (Árbær) og hin í hverfi 111 (Breiðholt). Þetta kemur fram í dagbók lögreglunnar á höfuðborgarsvæðinu fyrir aðfaranótt mánudags.

Einn var handtekinn vegna hvorrar árásar. Þegar dagbókin var rituð, um klukkan fimm í morgun, gistu fimm manns fangageymslur lögreglunnar.

Auglýsing

Maður í annarlegu ástandi og unglingur undir áhrifum

Lögreglu var tilkynnt um mann í annarlegu ástandi í miðborginni. Hann var handtekinn og vistaður í fangaklefa. Þá var tilkynnt um mann í tökum hjá dyravörðum í miðborginni, en málið var afgreitt á vettvangi.

Tilkynnt var um ungling undir áhrifum áfengis í hverfi 200 í Kópavogi. Einnig barst tilkynning um grunsamlegar mannaferðir í vesturbæ Kópavogs.

Þjófnaður, skemmdarverk og umferðaróhapp

Tilkynnt var um þjófnað úr verslun í hverfi 108 og skemmdarverk á bifreið í hverfi 110. Í hverfi 210 varð umferðaróhapp og engin slys urðu á fólki.

Auk þessa sinntu lögreglumenn ýmsum umferðarmálum. Dagbókin er ekki tæmandi yfir störf lögreglunnar.

Auglýsing

læk

Auglýsing
Auglýsing