Ragnhildur Steinunn Jónsdóttir og Haukur Ingi Guðnason skírðu tvíbura sína í gær á eins árs brúðkaupsafmælinu sínu. Drengirnir fengu nöfnin Tindur og Stormur.
Drengirnir komu í heiminn þann 25. mars síðastliðinn en skírnarathöfnin fór fram í garði fjölskyldunnar í gær. Fyrir eiga hjónin tvö börn, þau Eldeyju og Jökul. Ragnhildur Steinunn og Haukur Ingi giftu sig á Ítalíu í fyrrasumar en þau hafa verið saman í meira en tvo áratugi.
Ragnhildur Steinunn birti fallegar myndir úr skírninni á Facebook síðu sinni og sagðist ekki eiga til orð yfir hversu frábært fólk sé í kringum fjölskylduna.