Það var heldur betur undarleg sjón sem beið vegfarenda á Grandagarði í morgun eftir að kona ók bíl sínum upp á annan fólksbíl. Tvær konur voru í bílnum sem ók upp á minni fólksbíl.
Konurnar höfðu tekið bílinn á leigu og höfðu aðeins verið á honum í skamma stund þegar óhappið varð. Hægra framdekk bílsins endaði í afturrúðu hins bílsins eins og sjá má á myndinni en fleiri myndir má nálgast á vef mbl.is.