Versló, Fjölbrautarskólinn í Garðabæ og Kvennó eru þrír vinsælustu framhaldsskólarnir hjá nýnenum sem hefja nám í framhaldsskóla í haust. 610 nemendur sóttu um í Versló en aðeins 280 fengu skólavist. Þetta kemur fram á Vísi.
584 nemendur sóttu um í FG en 186 fengu skólavist. Þá sóttu 573 um í Kvennó en 204 fengu skólavist. 98,3% þeirra sem útskrifuðust úr grunnskóla í vor sóttu um í menntaskóla í haust.
Nemendur gátu sótt um tvo skóla og fengu tæplega 88% umsækjenda skólavist í skólanum sem þau settu sem fyrsta val. 10% nemenda fékk skólavist í þeim skóla sem þau settu sem annað val en 82 nemendur fengu ekki skólavist í þeim tveimur skólum sem þau óskuðu eftir. Menntamálastofnun útvegaði þeim skólavist í þriðja skólanum.