Vilhelm Neto hefur sett saman stutt myndband þar sem hann fer yfir umræðuna sem skapaðist eftir að Sambíóin sögðu frá því í vikunni að nú væri hægt að fá ókeypis dömubindi á salernum í öllum kvikmyndahúsum þeirra hefur vakið mikla athygli. Sjáðu myndbandið neðst í fréttinni.
Þar kemst hann að eftirfarandi niðurstöðu:
Karlar þurfa ekki smokka.
Konur þurfa dömubindi.
Sambíóin sögðu frá dömubindunum á Facebook og tóku flestir vel í þessa nýjung. Eðlilega. Það er miklu betra að þurfa ekki sitja ekki blóðpolli í bíói þegar kona byrjar óvænt á túr, nú eða ef kona gleymdi að taka með sér auka dömubindi.
Ekki voru þó allir ánægðir með ákvörðun Sambíóanna og furðuðu sig á því að fólk fengi ekki ókeypis smokka í bíó, í ljósi þess að konur fengju nú dömubindi sér að kostnaðarlausu. Einhver hafði áhyggjur af því að hann væri í rauninni að borga kostnaðinn við dömubindin í gegnum miðaverðið. Þetta kom fram í umræðu á Facebook-síðu Sambíóanna.