Vilja að ferðamaðurinn sem fróaði sér sæti gæsluvarðhaldi eða farbanni

Auglýsing

Lögreglan á Suðurlandi hefur óskað eftir gæsluvarðhaldi á grundvelli rannsóknarhagsmuna yfir ferðamanninum sem fróaði sér fyrir utan grunnskóla á Selfossi í hádeginu á mánudag.

Dómari mun taka ákvörðun um málið síðar í dag en til vara óskaði lögregla eftir farbanni.

Sjá einnig: Lögregla búin að finna manninn sem fróaði sér fyrir utan grunnskóla á Selfossi

Maðurinn var handtekinn af lögreglu á Suðurnesjum þegar hann var að leið úr landi aðfaranótt þriðjudags.

Auglýsing

Ferðamaðurinn átti bókað flug þessa nótt og hafði því hvorki flýtt eða seinkað heimferðinni. Var hann fluttur á Selfoss þar sem hann er vistaður í fangaklefa.

Maðurinn var yfirheyrður vegna málsins í gær. Að sögn lögreglu á Selfossi er ekki vitað til þess að maðurinn tengist fleiri málum af þessu tagi hér á landi.

Uppfært kl. 13.58: 

Héraðsdómur Suðurlands hefur úrskurðað manninn, sem er frá Ísrael, í farbann til 3. október vegna rannsóknar á meintu blygðunarsemisbroti á Selfossi á mánudag. Þetta kemur fram í færslu á Facebook-síðu lögreglunnar á Suðurlandi.

Málið er til rannsóknar hjá rannsóknardeild Lögreglunnar á Suðurlandi en tölvurannsóknardeild Lögreglunnar á Höfuðborgarsvæðinu og alþjóðadeild ríkislögreglustjóra aðstoða við rannsóknina.

Auglýsing

læk

Ummmmm...

Kjúklingur í karrý

Sænsk möndlukaka

Sænsk möndlukaka

Instagram