Lifum lengur, er nafn átta heimildarsjónvarpsþátta í umsjón Helgu Arnardóttur sjónvarpskonu sem verða frumsýndir hjá Sjónvarpi Símans Premium á morgun. Öll þáttaröðin kemur inn á sama tíma og fyrsti þáttur verður sýndur í opinni dagskrá annað kvöld klukkan hálf níu.
Þættirnir fjalla um heilsu á mannamáli út frá vísindalegu sjónarhorni og rætt er við fjölmargra sérfræðinga þar á meðal Chatterjee Rangan sem er breskur heimilislæknir og metsöluhöfundur.
Hann hefur skrifað og fjallað töluvert um fjóra þætti heilsu sem skiptir lykilmáli að halda í góðu horfi til að sporna gegn myndun alvarlegra og þekktra lífstílssjúkdóma sem herja á vestræn samfélög í dag.
Í þáttunum verður farið yfir svefn, næringu, hreyfingu og andlega heilsu og eru tveir þættir helgaðir hverjum heilsufarsþætti. Vísindamenn, læknar, næringafræðingar, sameindalíffræðingar, sérfræðingar á sviði svefns, hreyfingar og andlegrar heilsu viðmælendur þáttarins en einnig venjulegt fólk sem glímir við ýmis vandamál sem tengjast hverjum heilsufarsþætti sem til umfjölllunar er.
Nútíminn mun í vikunni birta atriði úr þáttunum svo endilega fylgist með.
