Sahar Tabar, Instagram-stjarna frá Íran, hefur verið handtekin í heimalandi sínu fyrir guðlast. Íranskir fréttamiðlar greindu frá handtökunni en sagt er að fjöldi fólks hafi kvartað yfir henni til lögreglu. Íranskir netverjar hafa fordæmt handtökuna.
Tabar vakti athygli fyrir tveimur árum þegar fjölmiðlar víða um heim fjölluðu um fjölda lýtaaðgerða sem hún hafði farið í til að líkjast leikkonunni Angelinu Jolie. Hún lýsti því þó yfir að ekkert væri til í þeim fréttum, hún notaði einungis tölvuforrit og farða til þess að líkjast Jolie.
