Hráefni:
- 6 hvítlauksgeirar rifnir niður
- 1 1/2 dl parmesan rifinn niður
- 2 msk smjör
- 1 msk ólívuolía
- 500 gr risarækjur
- Salt og pipar eftir smekk
- 1 1/2 dl þurrt hvítvín eða kjúklingasoð
- 3 dl rjómi
- 2 msk fersk steinselja söxuð niður
Aðferð:
1. Hitið olíu á pönnu, á meðalhita. Steikið rækjurnar í um 1-2 mín á hvorri hlið og kryddið til með salti og pipar. Leggið til hliðar.
2. Bræðið smjör á sömu pönnu og steikið hvítlaukinn í 30 sek. Hellið þá hvítvíni (eða kjúklingasoði) á pönnuna og leyfið þessu að malla í nokkrar mín. Næst fer rjómi saman við ásamt parmesan og þetta látið malla áfram í nokkrar mín, þar til sósan fer að þykkna. Kryddið til með salti og pipar.
3. Setjið rækjurnar út í sósuna ásamt steinselju. Berið fram með hrísgrjónum, pasta eða ristuðu brauði.