Hér er á ferðinni hollur, einfaldur og bragðgóður fiskréttur!
Hráefni fyrir 2:
400 gr þorskur
1 dós kókosmjólk
1 rauðlaukur saxaður smátt
3 hvítlauksgeirar rifnir niður
2 tsk engifer rifið niður
2 tsk rautt karry mauk
1/2 tsk chilli flögur (má sleppa)
salt og pipar eftir smekk
lime safi eftir smekk
Kóríander til skrauts
olía til steikingar
Aðferð:
1. Hitið olíu á pönnu og steikið rauðlaukinn þar til hann fer að mýkjast. Bætið engifer, hvítlauk, chilli flögum og karrý maukinu á pönnuna og steikið í 1 mín.
2. Bætið kókosmjólk, salti, pipar og lime safanum á pönnuna. Suðan er látin koma upp áður en fiskurinn er settur á pönnuna.
3. Leyfið fisknum að malla á pönnunni í um 10 mín eða þar til hann er eldaður í gegn.
Berið fram með kóríander, hrísgrjónum og salati.