Einfalt og spicy kjúklinga pad thai

Auglýsing

Hráefni:

  • 120 gr hrísgrjónanúðlur
  • 3 msk bragðlaus olía til steikingar
  • 250 gr kjúklingur, skorinn í litla strimla
  • 1/2 rauð paprika, skorin í mjóar ræmur
  • 1/2 dl gulrætur, skornar í mjóar ræmur
  • 2 hvítlauksgeirar, rifnir niður
  • 1 egg, hrært upp
  • 1 vorlaukur, skorinn niður
  • 1/2 dl salthnetur, saxaðar gróft
  • 2 msk ferskt kóríander, saxað

Sósan:

  • 2 msk púðursykur
  • 1 msk sojasósa
  • 1 msk fiskisósa
  • 1 msk lime safi
  • 1 msk hrísgrjóna edik
  • 1 msk hnetusmjör
  • 1 msk Sriracha eða chillimauk
  • ¼ tsk engifer
  • ⅛ tsk svartur eða hvítur pipar

Aðferð:

1. Eldið núðlurnar eftir leiðbeiningum á umbúðum. Eftir suðuna eru þær skolaðar með köldu vatni, vatnið sigtað frá og núðlurnar settar í skál með 1 msk af olíu. Leggið til hliðar.

Auglýsing

2. Blandið öllum sósu hráefnum saman í meðalstóra skál. Hrærið vel saman og leggið til hliðar.

3. Hitið eina msk af olíu á stórri pönnu. Steikið kjúklinginn í 3-4 mín eða þar til hann er eldaður í gegn. Færið hann yfir á disk eða fat. Hitið aftur 1 msk af olíu á sömu pönnu og steikið paprikuna í 1 mín. Bætið þá gulrótum og hvítlauk og steikið áfram í 1 mín. Lækkið örlítið hitann og hellið egginu á pönnuna og hrærið stöðugt í því þar til það er klárt.

4. Hellið núna sósunni á pönnuna ásamt núðlunum. Blandið öllu vel saman og hrærið vel í þessu í 1-2 mín á meðan núðlurnar hitna vel í gegn. Bætið næst kjúklingnum, vorlauknum og hnetunum og leyfið þessu blandast vel saman í um 2-3 mín. Smakkið þetta til og bætið við því sem þarf, meiri chilli sósu, sojasósu eða jafnvel smá lime. Toppið með ferskum kóríander áður en borið er fram!

Auglýsing

læk

Nýjast á Matur

Instagram