Hráefni:
- 2 dl kjúklingasoð
- 2 msk sítrónusafi
- 1 msk rifinn hvítlaukur
- ½ tsk chilliflögur
- 1 msk ólívuolía
- 1/2 dl fínt saxaður skallottlaukur
- 2 msk smjör
- 1 dl rjómi
- 2 msk söxuð steinselja eða basilika
- 4 kjúklingabringur
- salt og pipar
Aðferð:
1. Kryddið kjúklingabringurnar til með salti og pipar.
2. Blandið kjúklingasoði, sítrónusafa, hvítlauk og chilliflögum saman í skál.
3. Hitið ofninn í 185 gráður.
4. Hitið ólívuolíu á pönnu. Steikið kjúklinginn í c.a. 2-3 mín á hvorri hlið. Takið hann þá af pönnunni og leggið til hliðar.
5. Steikið næst skallottlaukinn á pönnunni og hellið kjúklingasoð-blöndunni á pönnuna. Náið upp suðu og leyfið þessu að malla í 10-15 mín. Þegar sósan hefur þykknað er pannan tekin af hitanum, smjörið sett saman við ásamt rjómanum og þetta er hrært mjög vel saman. Setjið kjúklinginn á pönnuna og stingið pönnunni inn í ofn í 5-8 mín eða þar til kjúklingurinn er eldaður í gegn. Toppið með steinselju eða basiliku og sítrónusneiðum. Berið fram strax.