Hráefni:
-
- 3 Kjúklingabringur skornar í tvennt langsum svo úr verði sex þunnar bringur
- 1 dl hveiti
- 1/2 tsk salt
- 1 tsk pipar
- 1/2 tsk hvítlauksduft
- 1 pakki sveppir skornir í grófar sneiðar
- 4 msk smjör
- 1 msk ólívuolía
- 2 hvítlauksgeirar rifnir niður
- 2 skallottlaukar skornir í sneiðar
- 4 dl kjúklingasoð
- 1 dl þurrt hvítvín
- 1 1/2 dl rjómi
- 2 stilkar ferskt timjan
- 1 tsk dijon sinnep
- 2 tsk maíssterkja hrærð saman við 2 msk vatn
Aðferð:
1. Blandið saman hveiti, salti, pipar og hvítlauksdufti í skál og leggið til hliðar.
2. Hitið 2 msk af smjöri og 1 msk olíu á pönnu. Dýfið kjúklingabringunum í hveitiblönduna ( einni í einu ) báðar hliðar og hristið þær aðeins áður en þær fara á pönnuna. Steikið þær næst í um 3-5 mín á hvorri hlið eða þar til þær verða fallega gylltar. Færið þær yfir á disk eða fat.
3. Setjið 2 msk af smjöri á pönnuna og steikið sveppina þar til þeir fara að mýkjast og brúnast. Bætið þá skallottlauknum á pönnuna og steikið áfram í nokkrar mínútur. Þá fer hvítlaukurinn saman við og þetta er steikt áfram í 30 sek. Hellið hvítvíninu á pönnuna ásamt timjan, kjúklingasoði, dijon og rjóma. Náið upp suðu og leyfið þessu að malla rólega í um 5 mín. Hellið þá maíssterkjunni saman við ásamt kjúklingabringunum og leyfið þessu að malla áfram í aðrar 5 mín eða þar til sósan er orðin þykk og kjúklingurinn er orðinn heitur í gegn.
4. Smakkið þetta til með salti og pipar áður en þetta er borið fram.