today-is-a-good-day

Rjómalagað pasta með kjúklingi, sveppum, spínati og sólþurrkuðum tómötum

Hráefni:

  • 500 gr kjúklingabringur skornar í bita
  • 1 msk smjör
  • 1 tsk ólívuolía
  • 2 hvítlauksgeirar rifnir niður
  • 1/2 dl sólþurrkaðir tómatar
  • 5 sveppir skornir í sneiðar
  • 1 msk hveiti
  • 5 dl kjúklingasoð
  • 3 dl rjómi
  • 1 tsk salt
  • 1/4 tsk pipar
  • 1/2 tsk hvítlauksduft
  • 1/2 pakki spaghetti eða annað pasta að eigin vali
  • 1 dl rifinn parmesan
  • góð lúka spínat

Aðferð:

1. Hitið smjör á pönnu og steikið kjúklinginn þar til hann fer að brúnast örlítið. Bætið þá ólívuolíu saman við ásamt hvítlauknum, sólþurrkuðum tómötum og sveppum og leyfið þessu að mýkjast á pönnunni með kjúklingnum. Hrærið hveitið saman við og eldið áfram í 1 mín.

2. Hellið kjúklingasoðinu saman við og hrærið stöðugt í á meðan. Næst fer rjómi, salt, pipar og hvítlauksduft saman við og allt hrært vel saman. Nú setjum við spaghetti á pönnuna (ósoðið) og náum upp suðu. Setjið lok á pönnuna og leyfið þessu að malla í 10-15 mín eða þar til pastað er tilbúið og orðið mjúkt undir tönn. Færið af hitanum og hrærið parmesan saman við ásamt spínati. Berið fram strax.

Auglýsing

læk

Instagram