Pizza með risarækjum, mozzarella og hvítlauk

Auglýsing

Hráefni:

  • 2 msk ólívuolía
  • 2 msk smjör
  • 3 hvítlauksgeirar rifnir niður
  • 1/2 dl hvítvín
  • safinn + rifinn börkur af 1 sítrónu
  • 300 gr risarækjur
  • 1 tilbúið pizzadeig, mælum með súrdeigs
  • 2 dl rifinn mozzarella
  • 1/2 dl rifinn parmesan
  • 3/4 tsk ítalskt krydd
  • chilliflögur

Aðferð:

1. Hitið ofninn í 220 gráður og leggið bökunarpappír á ofnplötu.

2. Takið stóra pönnu og bræðið smjör og olíu. Bætið hvítlauk og rifnum sítrónuberki á pönnu og leyfið þessu að hita í um 1 mín. Næst fer hvítvín og sítrónusafi saman við og þessu leyft að malla í um 2 mín. Þá fara rækjurnar á pönnuna í nokkrar mín eða þar til þær eru orðnar fallega bleikar. Takið pönnuna af hitanum og leggið til hliðar.

Auglýsing

3. Fletjið út pizzadeigið og leggið það á ofnplötuna. Penslið deigið vel með smjör/hvítlauksblöndunni af pönnunni. Raðið næst rækjunum á pizzuna og dreifið mozzarella og parmesan yfir ásamt ítölsku kryddi. Bakið pizzuna í um 10 mín eða þar til hún verður fallega gyllt og bökuð í gegn. Þegar hún kemur úr ofninum er hún toppuð með chilliflögum og jafnvel smá saxaðri steinselju.

Auglýsing

læk

Nýjast á Matur

Instagram