Hráefni:
- 1 kg kartöflur
- 1 msk salt
- 3 msk ólívuolía
Hvítlaukssmjörið:
- 250 gr smjör
- 4 hvítlauksgeirar
- 2 msk söxuð fersk steinselja
- svartur pipar eftir smekk
Aðferð:
1. Hitið ofninn í 200 gráður og skerið kartöflurnar í litla bita, óþarfi að taka hýðið af.
2. Setjið vatn í pott ásamt 1 msk af salti. Náið upp suðu og setjið þá kartöflurnar út í vatnið. Látið þær malla í 5 mín. Takið þær af pönnunni og hellið vatninu af þeim og þerrið mesta vatnið af þeim.
3. Á meðan kartöflurnar þorna er gott að laga hvítlaukssmjörið. Þá er smjörið brætt í potti ásamt smátt skornum hvítlauknum. Þessu er leyft að malla rólega saman í nokkrar mínútur. Takið af hitanum og leggið til hliðar.
4. Hitið næst ólívuolíu á pönnu ( sem má fara í ofn ) og steikið kartöflurnar í um 4-5 mín og veltið þeim reglulega til. Setjið næst pönnuna inn í ofninn í um 10-15 mín eða þar til kartöflurnar verða fallega gylltar og stökkar.
5. Setjið saxaða steinselju saman við hvítlaukssmjörið og hellið því síðan yfir kartöflurnar. Kryddið þær til með svörtum pipar ( og salti ef þarf ) og berið fram strax.