Hráefni:
- 1 stór sæt kartafla, skorin í strimla
- 1½ msk maíssterkja
- 2 msk matarolía
- ½ tsk cumin
- ½-¾ tsk chilli duft
- ½ tsk reykt paprika
- ¼ tsk kanill
- about ½ tsk salt
Avocado-kóríander dýfa:
- 1 vel þroskað avocado
- 2 msk lime safi
- 1/2 dl kóríander
- 1 hvítlauksgeiri
- ¼ tsk salt
- svartur eða hvítur pipar eftir smekk
Aðferð:
1. Setjið kartöflustrimlana í stóra skál með ísköldu vatni og leyfið þessu að standa á meðan kryddblandan er útbúin.
2. Blandið kryddunum saman ásamt maíssterkju, geymið saltið þar til seinna.
3. Hellið vatninu af kartöflunum og þerrið þær með viskustykki eða eldhúspappír.
4. Setjið kartöflurnar í poka ásamt kryddblöndunni og hristið þetta vel saman. Hitið ofninn í 225 gráður og setjið bökunarpappír á ofnplötu. Dreifið úr kartöflunum á ofnplötuna, gott er að hafa smá bil á milli þeirra, ekki láta þær snertast.
5. Bakið þetta í 30-35 mín. Þegar eldurnartíminn er hálfnaður er gott að snúa kartöflunum við. Takið úr ofninum, setjið í skál og saltið.
6. Setjið allt hráefnið í dýfuna í blandara og blandið vel saman. Ef hún er of þykk má bæta 1 msk af vatni saman við.