Margir kjósa að nota súkkulaðiglassúr á vatnsdeigsbollurnar en aðrir velja kannski karamelluglassúr frekar.
Hér er rosalega góð uppskrift af súkkulaðiglassúr:
- 500 g flórsykur
- 3 msk bökunarkakó
- 3 tsk kaffi
- 50 g brætt smjör
- heitt vatn
Byrjið á að blanda saman kakói og flórsykri. Smjöri og kaffi bætt út í hrært vel. Notið heitt vatn til að þynna glassúrinn svo hann sé í réttri þykkt.
Hér er svo æðisleg uppskrift af karamelluglassúr:
- 450 g flórsykur
- 105 gr púðursykur
- 60 gr smjör – brætt
- 2 msk mjólk
- 1 tsk vanilla
- smá salt
Smjör brætt í potti og púðursykri bætt út í og hitað. Blandað vel saman og restinni bætt útí.