today-is-a-good-day

Ótrúlega einfaldur Tikka Masala kjúklingur

Hráefni í marineringu:

  • 1/2 kg skinn og beinlaus kjúklingur (bringur, lundir, læri, hvað sem þið viljið)
  • 200 gr grískt jógúrt
  • 1 msk Garam Masala
  • 1 msk limesafi
  • 1 tsk svartur pipar
  • 1/4 tsk engifer

Hráefni í sósu:

  • 400 gr tómatar í dós, hakkaðir
  • 4 dl rjómi
  • 5 hvítlauksgeirar rifnir niður
  • 4 tsk Garam Masala
  • 1/2 tsk paprika
  • 1/2 tsk salt
  • 1/4 tsk cayenne

Aðferð:

1. Skerið kjúklinginn í hæfilega munnbita. Hrærið saman hráefnið fyrir marineringuna í stórri skál. Bætið kjúklingabitunum saman við og blandið vel saman. Setjið filmu eða lok yfir skálina og inn í ísskáp í klukkustund.

2. Hitið pönnu og setjið helminginn af marineraða kjúklingnum á pönnuna. Steikið í nokkrar mínútur eða þar til bitarnir fara að brúnast. Færið bitana yfir á disk eða fat og steikið svo hinn helminginn af kjúklingnum. Takið bitana til hliðar.

3. Lækkið hitann á pönnunni í miðlungshita og hráefnið í sósuna fer á pönnuna. Hitið að suðu, bætið kjúklingum á pönnuna og leyfið þessu að malla í um 20 mín og hrærið reglulega í þessu. Berið fram með hrísgrjónum og toppið með fersku kóríander.

Auglýsing

læk

Instagram