Í dag eru akkúrat tvö ár síðan Conor McGregor byrjaði að tala opinberlega um það að hann væri til í að berjast við Floyd Mayweather. Fólk er búið að tala mjög mikið um þennan bardaga í rúmlega ár og margir voru hræddir um að þetta myndi aldrei gerast.
En nú er loksins búið að staðfesta bardagann. Þeir berjast laugardaginn 26 ágúst í T-Mobile höllinni í Las Vegas og bardaginn verður í 154 punda flokki.
Bæði Floyd og Conor staðfestu þetta með færslu á Twitter og Instagram.
Auðvitað var ekki nóg fyrir Conor að koma bara með staðfestingu á bardaganum heldur þurfti hann að skjóta á hvað Floyd væri gamall með því að deila mynd af pabba hans Floyd.
Dana White forseti UFC fór í smá viðtal eftir að þetta var staðfest og sagði fólki aðeins frá bardaganum.