Bjarni Hafþór Helgason hefur gert tónlistarverkið sitt, ‘Fuglar hugans’, öllum aðgengilegt sér að kostnaðarlausu.
Þú getur því smellt á hlekkinn hér fyrir neðan og fengið þér þetta magnaða safn án þess að borga krónu – Bjarni vill gefa þér það í jólagjöf:
Jólagjöf til þín
Hér neðan við er hlekkur á dropboxið mitt þar sem finna má allt um tónlistarverkið mitt „Fuglar hugans“. Þarna eru öll lögin á wave-skrám og mp3-skrám, textar allra laganna, nótur fyrir þau öll og upplýsingar um verkefnið. Á meðan þetta er hér á veggnum mínum máttu hlusta, hlaða niður og áframsenda þetta efni án nokkurs endurgjalds; þetta er jólagjöf frá mér til þín. Það væri gleðilegt ef þú myndir deila þessari færslu, því e.t.v. finnst einhvers staðar í þínum vinahópi fólk sem hefði áhuga á að skoða þetta efni og/eða hlaða því niður og eiga. Þetta eru vel yfir 4,23 klst. af tónlist og hún er einnig á spotify. Sumir eru enn að hlusta á diska heima hjá sér eða í bílnum. „Fuglar hugans“ er 5 diska pakki sem fæst í Pennanum – Eymundsson og kostar aðeins 3.990 krónur og þar kemur stór textabók með. Kannski hentar diskapakkinn „Fuglar hugans“ ágætlega í jólapakka hjá einhverjum, vona það allavega. En þessi færsla er jólagjöf frá mér til þín sem þú þiggur ef þú vilt. Eins og áður sagði þætti mér mjög vænt um ef þú deildir og lækaðir. Með gleðilegri jólakveðju til þín.
Fuglar hugans – Dropbox:
https://www.dropbox.com/sh/s2tccpo0exyls8t/AAApbbr-Ej78jfEPphmQyoFqa?dl=0&fbclid=IwAR1KdOFZZJM_70ypD5H_959WI4FWL7l6uFkgY495lvwKahsVAkdfzgPtnls