Raunveruleikastjarnan Khloe Kardashian fór í viðtal hjá „Your Fitness Magazine“. Þar talaði hún um hvað hún hafi verið orðin þreytt á því að fólk væri alltaf að segja að hún gæti ekki komist í form. Hún vildi afsanna það og lagði af um 20 kíló.
„Fólk sagði mér alltaf að ég væri bara þannig byggð að ég gæti ekki grennst. Ég tók því nærri mér og var farin að trúa þessu fólki. En svo vaknaði ég einn morguninn og hugsaði að þetta væri bara bull og ég ætti að gera eitthvað í þessu.“ – Khloe
Hún fékk sér einkaþjálfara sem að sá til þess að hún æfði reglulega og borðaði rétt. Fólk verður að hafa mikinn metnað til að ná markmiðum sínum. Ef þetta væri auðvelt þá væru allir í frábæru formi.
„Hendurnar mínar voru alltaf mesta vesenið. Mér fannst ég alltaf vera svo feit þegar ég sá þær og þess vegna var ég alltaf í síðerma peysum. Núna elska ég að vera í ermalausum bolum og sína hendurnar. Þetta tekur tíma og vinnu. Fólk má ekki verða pirrað þó það sjáist ekki munur á fyrstu vikunni, þetta er langhlaup ekki spretthlaup“. – Khloe
