Förðunarfræðingurinn og módelið Sigrún Edda lét fólk vita á Facebook síðu sinni að hún væri búin að vera í leynilegu ástarsambandi við stórstjörnuna Chris Hemsworth. Þau kynntust fyrir um það bil 7 árum hérna á Íslandi við tökur á myndinni Thor.
Hún skrifaði á Facebook
„Ég verð að viðurkenna eitt. Margir spurja mig oft að því hvenær ég ætli að fá mér kærasta og stofna fjölskyldu. Mamma er búin að hafa áhyggjur í langan tíma því henni langar alveg rosalega í barnabarn og er hrædd um að ég fari að renna á tíma. Ég veit að ég er orðin þrítug, en róleg mamma þetta sleppur alveg! En eitt sem að fólk veit ekki því ég hef ekki sagt neinum. Það er að ég á kærasta og hef átt kærasta í rúmlega 4 ár. Ástæðan fyrir því að ég hef ekki sagt neinum er sú að hann er giftur og hefur verið það í nokkur ár. Þið þekkið öll þennan mann en ekki eins og ég. Við kynntumst þegar ég vann í makeup deildinni fyrir Thor heima á Íslandi fyrir 7 árum. Hann var mjög góður við mig þá en ekkert gerðist á milli okkar. Svo flutti ég til LA árið 2011 og mér var boðið að vinna við Thor 2 sem ég gerði auðvitað. Þar hitti ég hann aftur og við urðum góðir vinir. Síðan fór það að vera meira en bara vinir og við fórum að hittast bara við tvö. Við urðum mjög fljótt ástfangin og hann sagði mér að hann vildi bara líf með mér og hjónabandið hans væri að enda. En þetta er ekki svona auðvelt hérna í Hollywood því að PR gellan hans sagði að þetta myndi eyðileggja ferilinn hans. Hún sagði honum að ef að þetta væri það sem hann raunverulega vildi þá tæki þetta smá tíma og þolinmæði. Hann bað mig um að bíða með sér og vera þolinmóð og það var akkúrat það sem ég gerði, þangað til núna. Ég get ekki lifað svona lengur. Ég er búin að þrá það að vera með ástinni minni í meira en 4 ár. Þá meina ég raunverulega vera með honum, ekki þessi feluleikur og endalausa stress. Ég veit að þetta getur farið illa með ferilinn hans en ég vona það svo að við fáum að byrja lífið okkar saman. Ég veit að hann elskar mig og ég elska hann. Mér finnst ég ekki slæm manneskja og hann er það ekki heldur, plís ekki dæma okkur við erum ástfangin! ÉG ELSKA CHRIS OG HANN VERÐUR ALLTAF OFURHETJAN MÍN!“ – Sigrún
Sigrún er búin að starfa í Los Angeles við bæði förðun og svo sjálf sem módel. Hún segist vera búin að kynnast allri fjölskyldu hans og að hún sé orðin þreytt að því að allir þekki hana sem „vinkonu“ hans.
Það er vonandi að allt gangi upp hjá henni og Chris og hver veit nema við Íslendingar séum að fá nýjan tengdason.
Hérna er Sigrún ásam Chris og börnum á góðum degi í LA.
