„The Witcher“ 1, 2 og 3 eru virkilega frægir tölvuleikir sem hafa vakið heimsathygli fyrir magnaðan söguþráð og uppbyggingu þar sem ákvarðanir þínar hafa raunverulegar afleiðingar fyrir framvindu heimsins.
Það er því búið að vera mikil spenna og eftirvænting eftir að heyra hver mun leika aðalhlutverkið – og nú er Netflix búið að tilkynna það:
Henry Cavill, sem er þekktastur fyrir hlutverk sitt sem Superman í nýjustu myndunum, mun fara með hlutverkið.
Það eru nú vægast sagt ekki allir ánægðir með þetta val og finnst hann ekki vera nógu grófur í útliti fyrir hlutverkið – og að hann muni eiga erfitt með að ná að leika söguhetjuna miðað við leikferill sinn hingað til og hvernig karakterinn er í leikjunum.
Fólk segist frekar vilja fá hann Nikolaj Coster-Waldau sem leikur Jaime Lannister í Game of Thrones í hlutverkið og dreymir um að Netflix muni skipta um skoðun – enda segir það að myndin hér fyrir ofan segir allt sem segja þarf.
Svo er bara spurning hvort það verði hlustað á aðdáendur í þetta sinn…