Hann Viðar Freyr Guðmundsson skrifaði opnu Facebook færsluna hér fyrir neðan þar sem hann segir að Heilbrigðiseftirlitið eigi að loka Hagaskóla.
Hann segir að styrkur koltvísýrings í kennslustofum sé langt yfir heilsuverndarmörkum og sýnir fram á að ástandið gerir marga nemendur gjörsamlega vanvirka.
Hagaskóli hefur lengi kvartað undan slæmum loftgæðum í skólanum, við litlar undirtektir borgaryfirvalda. „Dregist hefur á langinn að endurnýja loftræstikerfi í skólanum en það er í bígerð, að sögn Helga Grímssonar, sviðsstjóra skóla- og frístundasviðs Reykjavíkurborgar.“
Ekki mjög traustvekjandi. Þetta er langt yfir heilsuverndarmörkum og hefur verulega slæm áhrif á framistöðu og getu nemenda til náms. Þetta sýna rannsóknir.
Yfir 1000ppm í 2,5 klst:
„Impairs judgment, decision-making ability, and thinking skills on a short-term basis, even for healthy individuals.“
Þessi gildi nálgast að gera heilastarfsemi nánast óvirka í heilbrigðum einstaklingum. Ef gildið er yfir 2500ppm: „Many individuals are rendered cognitively marginal or dysfunctional.“
Held að borgin átti sig ekki á alvarleika málsins. Heilbrigðiseftirlitið á að loka þessum kennslustofum strax!