Leikkonan Anna Kendrick hefur loksins upplýst hvað hún sagði við Obama, þáverandi forseta Bandaríkjanna, sem lét hann gjörsamlega springa úr hlátri. Horfðu á viðtal við Önnu í spjallþætti Stephens Colbert hér fyrir neðan.
Umrætt hláturskast átti sér árið 2012. Ári síðar birti Anna þessa mynd á Instagram sem óyggjandi sönnun fyrir því sem átti sér stað.
Hún sagði svo Stephen Colbert loksins hvað hún sagði við Obama í þætti þess síðarnefnda í gær. Anna segir að Obama hafi rætt um kvikmynd hennar Up in the Air og hrósað því hvernig myndin tók á kreppunni og efnahagslífinu.
Þegar þau hittust svo sagðist Obama vona að hann hafi ekki gert hana vandræðalega með ummælum sínum og Anna svaraði að bragði: „Jájá, þú ert algjört fífl.“
Og Obama sprakk úr hlátri enda kannski ekki vanur að heyra fólk tala svona við sig. Allavega ekki á meðan hann var forseti.