Hljómsveitirnar Linkin Park og Blink 182 hafa ákveðið að sameina krafta sína og kalla sig Blinkin Park. Tímabundið.
Hljómsveitirnar tvær ætla að koma fram á stuttri tónleikaröð sem þær kalla Welcome to Blinkin Park. Ekki er vitað hvort þær stígi saman á svið sem ofurhljómsveitin Blinkin Park en þær munu allavega deila sviði í sumar.
Linkin Park sendir frá sér plötu síðar í mánuðinum sem kallast One More Light. Blink 182 fór hins vegar á topp bandaríska Billboard-listans í fyrra með nýjustu plötu sína.