Sjónvarpsmaðurinn Bill Maher ræddi um hræðilegar aðgerðir Donalds Trump í þætti sínum á föstudag og hvatti frjálslynt fólk til að hætta að biðjast afsökunar á öllu. Horfðu á myndbandið hér fyrir neðan.
Maher sagði að frjálslynt fólk og demókrataflokkurinn í Bandaríkjunum hafi farið úr því að vernda fólk, í að vernda tilfinningar. Hann kallaði eftir jafnvægi í því sem fólk biðst afsökunar á.
Hann nefndi sem dæmi þegar leikarinn Steve Martin minnist leikkonunnar Carrie Fisher á Twitter með því að segja að hún hafi verið það fallegasta sem hann hafi séð og að síðar hafi komið í ljós að hún var gáfuð og fyndið.
Martin fjarlægði tístið og baðst afsökunar í kjölfarið á hörðum viðbrögðum fólks sem fannst hann gera lítið úr leikkonunni. Maher hefur lítinn skilning á þessum málflutningi og hvatti fólk til að hætta að hneykslast fyrir hönd fólks sem myndi ekki hneykslast sjálft.