Í fréttum Rúv í gærkvöldi fengu landsmenn kennslu frá Óskari Ísfeld Sigurðssyni, deildarstjóra hjá Heilbrigðiseftirliti Reykjavíkur, í því hvernig skola eigi salat. Þvotturinn var að sjálfsögðu í beinni útsendingu.
Útsendingin sem var æsi spennandi vakti töluverða athygli. Nútíminn ákvað að gerast ósvífinn og gera útsendinguna enn meira spennandi og bæta við aðallagi myndarinnar, Requiem For A Dream. Horfðu á myndbandið hér fyrir ofan.
Niðurstaðan er að við erum með mest spennandi beinu útsendingu frá upphafi, fyrir utan þegar Keiko kom til Eyja auðvtiað.
Forsaga málsins er sú að stór hluti starfsfólks Háaleitisskóla og Hörðuvallaskóla fékk niðurgang eftir að hafa borðað óþvegið salat. Í kjölfarið hefur matvælastofnun vakið athygli á því að ávallt skuli skola grænmeti fyrir neyslu. Fréttastofa Rúv flutti fréttir af málinu og ákvað samhliða fréttinni að kenna landsmönnum að skola salat.
Twitter tók við sér eftir útsendinguna og margir tjáðu sig kennsluna.
Bein útsending i aðalfréttatíma RÚV:
"Þú kannski sýnir okkur hvernig á að skola salat?"
"Já ég get gert það"
*skolar salat í beinni*— $v1 (@SveinnKjarval) August 29, 2017
ég er ekki að horfa á rúv en þökk sé twitter veit ég að það er verið að skola salat þar í beinni útsendingu
— Sóley Bergsteinsd. (@SoleyBergsteins) August 29, 2017
Maður að þrífa salat er gott sjónvarp. pic.twitter.com/GI6OnxIYxu
— Þórður S. Júlíusson (@thordursnaer) August 29, 2017