Síðasta stiklan fyrir frumsýningu á kvikmyndinni Adrift, eftir Baltasar Kormák, var birt í dag. Myndin er byggð á sannsögulegum atburðum og verður frumsýnd á Íslandi 1. júní. Stiklan er alveg mögnuð en þú getur horft á hana í spilranum hér fyrir ofan.
Myndin er byggð á á sögu Tami Oldham og Richard Sharp sem ætluðu að sigla skútu frá Tahíti til San Diego árið 1983 og lentu í vægast sagt miklum hremmingum.
Leikkonan Shailene Woodley fer með aðalhlutverkið í Adrift og Baltasar sagði í samtali við Nútímann í fyrra að hún sé ofboðslega góð leikkona. „Ég hugsa hins vegar að hún sé frægari hjá unglingum en fullorðna fólkinu.“ sagði hann léttur.
Baráttan við náttúruöflin er áberandi í myndunum Everest og Djúpinu eftir Baltasar og ljóst er að hann verður við sama heygarðshornið í Adrift. „Ég hef bæði verið í fjallgöngu og siglingum og tengi því við þessar myndir. Ég hef gaman af því þegar einstaklingurinn þarf að mæta náttúrunni og þess vegna heilla svona myndir mig,“ sagði hann.