Rappteymið Sprite Zero Klan voru að senda frá sér sitt þriðja lag. Lagið heitir „Sólgleraugu & buff“ og fjallar um sólina, sólskin, sólargeisla, sólgleraugu og síðast en ekki síst, buff. Með laginu fylgir glæsilegt myndband sem Tómas Sturluson leikstýrði.
„Lagið er tískuyfirlýsing okkar Sprite Zero bræðra sem og lauflétt samantekt hugsanna okkar frá liðnu sumri,“ segir Kolbeinn Sveinsson annar meðlimur sveitarinnar í samtali við Nútímann en hann og Daniel Óskar Jóhannesson mynda rappteymið.
Það hefur verið nóg um að vera hjá stráknum frá því að þeir gáfu út lagið „Dimmalimm“ með Rjómanum í sumar en það lag hefur verið spilað yfir 500 þúsund sinnum á Youtube. Þeir gáfu út lagið „Tíkin mín“ fyrir fyrir nokkrum dögum og á næstu vikum má reikna með plötu frá teyminu.