Hraðfréttakonan og Reykjavíkurdóttirin Steiney Skúladóttir stýrir Sumarmorgnum á Rás 2 ásamt Dodda litla á meðan Gunna Dís, Andri Freyr og Sóli Hólm eru í fríi.
Steiney og Doddi fengu Arnar úr Úlfi Úlfi í heimsókn í morgun þar sem hann kynnti útgáfutónleika hljómsveitarinnar, sem fara fram í Gamla bíói annað kvöld. Þess má geta að fatamerkið ULFR verður með Pop Up-markað á tónleikum.
Sjá einnig: Steiney frelsaði geirvörtuna í Hraðfréttum
Þau fengu að sjálfsögðu Arnar til að taka lagið en þar sem það vantaði annan Úlfinn þá hljóp Steiney í skarðið og rappaði með honum lagið Tarantúlur.
Útkomuna má sjá í myndbandinu hér fyrir neðan.