Málið snýst um tvennt:
Tuttugu þjónustufulltrúar sem starfa í Hörpu sögðu upp störfum í gær eftir fund með Svanhildi Konráðsdóttur, forstjóra hússins.
Hvað er búið að gerast?
Í síðustu viku greindi Fréttablaðið frá því að stjórn Hörpu hafi hækkað laun forstjórans um rúm 20 prósent á síðasta ári.
Örvar Blær Guðmundsson sagði upp sem þjónustufulltrúi í Hörpu í kjölfarið. Í Fréttablaðinu sagði hann að sjálfan sig og samstarfsfólk hafa neyðst til að taka á sig verulega launalækkun um áramótin.
Harpa sendi svo frá sér yfirlýsingu þar sem eftirfarandi kom fram:
- desember 2016: Ný lög kveða á um að frá 1. júlí 2017 skuli stjórnir ríkisfyrirtækja ákveða laun forstjóra í stað kjararáðs.
- febrúar 2017: Svanhildur Konráðsdóttir ráðin sem forstjóri Hörpu með laun upp á 1,5 milljónir á mánuði. Í sama mánuði úrskurðar Kjararáð að heildarlaun forstjóra Hörpu skuli vera 1.308.736 krónur. Umsamin laun hennar lækkuðu því fyrstu mánuði hennar í starfi.
- júlí 2017: Laun Svanhildar hækka aftur upp í 1,5 milljónir og svo upp í 1,567.500 krónur, samkvæmt breytingum á kjarasamningi VR.
Í gær sögðu tuttugu þjónustufulltrúar í Hörpu upp eftir fund með Svanhildi Konráðsdóttur. Í yfirlýsingu frá þeim kemur fram að á fundinum hafi Svanhildur staðfest að þjónustufulltrúar Hörpu væru einu starfsmennirnir sem gert var að taka á sig beina launalækkun.
Í yfirlýsingu frá Hörpu kemur fram að stjórnendur hússins hafi aldrei haldið fram við þjónustufulltrúa eða aðra að laun yrðu lækkuð hjá öðrum starfsmönnum en þjónustufulltrúum.
Hvað gerist næst?
Á fundi þjónustufulltrúa með forstjóra Hörpu kom meðal annars fram að í hagræðingaraðgerðum í rekstri hússins sé allt til endurskoðunar, þar á meðal laun stjórnenda.
Örskýringar eru 200 orða fréttaskýringar Nútímans um mál sem mikið er fjallað um. Sendu okkur póst ef þú ert með hugmynd að örskýringu.