Brjóstabylting og ‪#‎FreeTheNipple‬

Auglýsing

Þegar ég var yngri var ég vön því að vera ber að ofan þegar heitt var úti. Nærbuxur voru eina flíkin sem þurfti og ekkert var athugunarvert við það — ég kippti mér líka ekkert upp við berbrjósta konur. Núna, þónokkrum árum síðar eftir mikla félagsmótun upplifi ég annað viðhorf til brjósta.

Sjá einnig: Brjóstabylting á Twitter

Samfélagið í heild telur brjóst tabú. Karlar berir að ofan er sjálfsagður hlutur í samfélaginu. Karlmenn rífa sig úr bolunum þegar uppáhalds fótboltaliðið þeirra fagnar og er það ekki sjaldséð sjón. En hvernig myndi samfélagið bregðast við ef ég gerði hið sama? Ef ég myndi rífa mig úr bolnum þegar uppáhalds fótboltaliðið mitt skorar? Ef ég stæði berbrjósta á Austurvelli að sóla mig eins og karlmenn geta gert yrði starað á mig og að öllum líkindum hvíslað.

Í gærkvöldi blés Femínstafélag Verzlunarskóla Íslands til #FreeTheNipple dags í skólanum þann 26. mars. Í umræðu á Twitter í kjölfarið tweetaði ég „Hvernig tæki skólastjórnin því ef ég myndi vera ber að ofan á göngum skólans? Væru afleiðingarnar ekki meiri en ef strákur gerði hið sama?“

Auglýsing

Eftir það póstaði vinur minn mynd af nipplunni sinni og eitt leiddi að öðru og endaði ég á að pósta mynd mér berbrjósta. Það var erfitt og ég var búin að eyða myndinni eftir nokkrar mínútur. En það var nóg til að byrja byltingu. Í dag hefur umræðan um #FreeTheNipple verið mikil og stelpur á netinu pósta myndum af sér berbrjósta sem samstöðu og baráttuverk.

Sjá einnig: #FreeTheNipple dagur í framhaldsskólum í Reykjavík

Ég er stolt af þeirri umræðu sem ég hef byrjað og ég er virkilega þakklát fyrir þá sem hafa staðið með mér. Brjóst eru falleg og sem dæmi fæðum við börnin okkar með þeim og ættum við að geta skartað þeim hvar sem er hvenær sem er. Þið eruð öll fokking töff og ég er stolt af ykkur.

Fokkaðu þér alheimssamfélag og í rassgat með þá sem dissa umræðuna. Frelsið brjóstin ykkar og verið stolt.

Auglýsing

læk

Ummmmm...

Instagram