[the_ad_group id="3076"]
Handknattleiksmaðurinn Aron Pálmarsson fagnaði páskunum síðasta sunnudag með því að líkja eftir krossfestingu Krists, í miðjum leik (sjá mynd hér að ofan). Þessi gjörningur Arons uppskar misjöfn viðbrögð. Snorri Steinn, liðsfélagi Arons, og strangtrúaður kaþólikki, brá hnefa á loft í táknrænni samstöðu með liðsfélaga sínum, á meðan Valentin Porte, þekktur trúleysingi, fórnaði höndum, augljóslega vonsvikinn með hæga þróun mannkynsins. Í viðtali við Der Spiegel eftir leikinn sagði Aron: „Ég óttast það hversu margir Íslendingar eru að segja sig úr Þjóðkirkjunni. Ég mun gera mitt allra besta til þess að halda kyndli frelsarans á lofti. Þó svo að kyndillinn verði að eldspýtu, og eldspýtan að blysbjöllu.“