Pólitíska útgáfan af laginu Fight Song eftir Rachel Platten sem bandaríska leikkonan Elizabeth Banks hefur gefið út til stuðnings forsetaframboði Hillary Clinton hefur vakið blendin viðbrögð á netinu. Myndbandið skartar frægu fólki á borð við Eva Longoria, Idina Menzel, Mandy Moore, Connie Britton, Jesse Tyler Ferguson, Rob Reiner og Sia, ásamt öðrum óþekktum aðdáendum, sem öll syngja til stuðnings Clinton af mikilli innlifun.
Fréttaveitan Irish Examiner lýsir myndbandinu sem vandræðalegu (https://www.irishexaminer.com/examviral/celeb-life/…) og kommentakerfi Youtube virðist endurspegla mikið vantraust í garð Hillary. Í grein sem birtist á vefsíðunni FiveThirtyEight í gær vísar höfundur greinarinnar í skoðanakannanir Gallup sem benda til þess að Clinton sé nú orðin jafn óvinsæl og Donald Trump.
https://fivethirtyeight.com/features/hillary-clinto…
Ósætti Bandaríkjamanna í garð stjórnmálamanna virðist vera í sögulegu hámarki.