Nýverið leit plötusnúðurinn DJ B-Ruff við í útvarpsþáttinn Póló á Áttunni. Ásamt því að spjalla við umsjónarkonu þáttarins, Röggu Holm, tók hann einnig svokallaða gestasyrpu í beinni af sinni alkunnu snilld.
Í kjölfarið klippti SKE saman brot af því besta (sjá hér fyrir ofan) þar sem myndbönd við lögin sem B-Ruff spilar birtast í vinstra horni skjásins. Syrpan skartar lögum frá listamönnum á borð við Wiz Khalifa, Emmsjé Gauta, Pharrell Williams og Flona.
Hér fyrir neðan geta áhugasamir einnig horft á sambærilega syrpu frá síðasta þætti útvarpsþáttarins Tetriz á X-inu 977 þar sem B-Ruff var í miklu stuði.