Nýverið kíktu þeir Valgeir Guðjónsson, Arnar Jónsson og Þórhallur Sigurðsson í heimsókn til SKE og lásu upp textann við lagið Tala um eftir rapparann GKR, en rapparinn sendi frá sér plötuna GKR (www.gkr.is) í byrjun vikunnar.
Áhugasamir geta nálgast plötuna á vefsíðunni www.gkr.is og er hún einnig fáanleg í versluninni Kjötborg (Ásvallagötu 19, 101 RVK) í sérstökum morgunmatsumbúðum. Platan geymir níu lög, þar á meðal lögin Tala um og Morgunmatur.
Aðspurður út í óvænta útgáfu plötunnar lét GKR eftirfarandi ummæli falla:
„Óvænt vegna þess að mér finnst leiðinlegt að tala um eitthvað sem hefur ekki gerst, eða tefst, og það kemur oft í bakið á manni. Svo þurfti ég líka bara að gefa út plötu. Annars myndi ég alltaf fá þessa spurningu: ,Hvers vegna hefurðu ekki gefið út plötu?’ Svo er líka bara gaman að gefa út plötu. Það meikar sense.“
– GKR
Hér fyrir neðan má svo hlýða á lagið sjálft: