Fyrir rúmri viku síðan gaf akureyrski Hip-Hop tónlistarmaðurinn Stefán Elí út lagið Bara Með Þér á Spotify (sjá hér fyrir ofan).
Stefán Elí samdi bæði lagið og textann, auk þess að sjá um allan hljóðfæraleik og upptökur sjálfur. Hljóðblöndun og mastering var í höndum Hauks Pálmasonar.
Bara með þér er annað lagið sem Stefán Elí semur á íslensku en fram að þessu hefur hann aðallega sungið á ensku, samanber plötuna Wake Up sem kom út fyrr á árinu á Spotify:
Hér er svo myndband við lagið Ljúgðu bara sem Stefán Elí gaf út í ágúst en lagið, líkt og Bara með þér, verður að finna á væntanlegri plötu Stefáns Elís sem mun koma út núna í vetur.