Fréttir
Liðurinn Mean Tweets (eða illkvittin tíst), sem kemur reglulega fyrir í bandaríska spjallþættinum Jimmy Kimmel Live, hefur notið mikilla vinsælda frá því að hann hóf göngu sína fyrir nokkrum árum síðan.
Í liðnum lesa nafntogaðir einstaklingar upp ódrengileg tíst sem notendur Twitter hafa látið falla í þeirra garð. Á meðal gesta Mean Tweets síðastliðin misseri er fyrrum forseti Bandaríkjanna, Barack Obama; leikkonan Halle Berry; og leikarinn George Clooney, og svona mætti lengi halda áfram að telja.
Í síðustu útfærslu Mean Tweets fékk Jimmy Kimmel frægt tónlistarfólk til þess að lesa upp rætin tíst um sjálft sig—en myndbandið nýtur mikilla vinsælda á Youtube um þessar mundir (sjá hér að ofan).
Meðal þeirra sem lesa upp er tónlistarkonan Miley Cyrus, rapparinn Schoolboy Q, hljómsveitin Korn og söngkonan Pink.