Síðastliðinn laugardag (22. apríl) frumflutti söngvarinn Frank Ocean lögin Lens og Lens V2 í útvarpsþætti sínum Blonded sem hóf göngu sína fyrir stuttu á útvarpsstöð Apple, Beats 1 (lagið Lens V2 er í raun alveg eins og Lens en skartar einnig rapparanum Travis Scott).
Frank Ocean hefur verið iðinn við kolann undanfarið en fyrir um tveimur vikum síðan gaf hann út lagið Biking.
Í grein á vefsíðu Esquire frá því í byrjun apríl segir blaðamaðurinn Matt Miller að ekki liggi fyrir hvað Frank Ocean geri næst en stuttu áður en hann gaf út Biking sendi hann frá sér lagið Chanel: „Ef einhver annar listamaður hefði gefið út tvö ný lög með skömmu millibili væri það líklegt að hinn sami gæfi út nýja plötu í náinni framtíð. En þegar Ocean er annars vegar, er ekkert öruggt.“
Nánar: https://www.esquire.com/enterta…
Síðast gaf Frank Ocean út hljóðversplötuna Blond þann 20. ágúst 2016.