Rapparinn Black Pox hefur getið sér gott orð undanfarið en í dag sendi hann frá sér myndband við lagið Leyndo (sjá hér fyrir ofan).
Rapparinn er í ákveðnum minnihlutahópi hvað íslenska rappara varðar þar sem hann kýs að flytja sínar rímur á ensku. Í viðtali við SKE fyrir nokkrum vikum síðan útksýrði hann hvers vegna:
„Þegar ég var ungur og Outkast voru poppin’ þá skrifaði ég niður textann á lögunum þeirra og rappaði með. Svo kynnti ég mér þessa klassísku ,old-school’ rappara frá Cali og NY og vildi ,sound-a’ alveg eins, núna í dag finnst mér auðveldara að skrifa á ensku.“
– Black Pox
Þess má einnig geta að Black Pox var gestur útvarpsþáttarins Kronik fyrr á árinu þar sem hann samdi vísur að munni fram („freestyle-aði“) yfir bítið Juicy sem Biggie Smalls gerði frægt á sínum tíma (sjá hér fyrir neðan).