Gabríel Gísli Haraldsson, sem gengur undir listamannsnafninu Icy G, sendi frá sér myndband við lagið Hugo síðastliðinn 20. janúar (sjá hér fyrir ofan).
Vefsíðan Albumm fjallaði um myndbandið í vikunni en í greininni stendur:
„Gabríel er 17 ára gamall og er búsettur í Bandaríkjunum en þegar hann er á landinu þá býr hann í Hafnarfirði. Kappinn byrjaði snemma að grúska í tónlist en hann byrjaði að spila á trommur aðeins tveggja ára gamall. Ekki hefur hann langt að sækja tónlistarhæfileika sína en hann er sonur trommarans Haraldar F. Gíslasonar eða Halla úr Botnleðju og Pollapönk.“
– Albumm.is
Tónlist Gabríels er einnig aðgengileg á Soundcloud: https://soundcloud.com/1hunnid…
Hér fyrir neðan má hlýða á lagið Sent You Flowers.