Í gær birtist grein á vefsíðunni classicfm.com þar sem lagið Heyr himna smiður í útgáfu hljómsveitarinnar Árstíðir er til umfjöllunar. Árstíðir flutti lagið á þýskri lestarstöð í Wuppertal fyrir rúmum þremur árum síðan og hefur það slegið rækilega í gegn síðan þá; um fimm milljónir manna hafa horft á myndbandið á Youtube.
Í greininni segir:
Stundum eru djúpstæðustu augnablikin í tónlist einnig þau einföldustu … Hljómsveitin heitir Árstíðir og tónlistin er íslenskur sálmur frá 13. öldinni sem Þorkell Sigurbjörnsson, einn af merkustu tónskáldum Íslands á 20. öldinni, umsamdi.
– Kyle Macdonald, classicfm.com
Greinin rataði inn á vefsíðuna vinsælu Reddit og er, þegar þessi frétt er rituð, í áttunda sæti yfir vinsælustu greinar dagsins.
Nánar: https://www.reddit.com/ og https://www.classicfm.com/discover/music/watch-800-…