Hráefni í botninn:
- 2 x 154 gr pakki af oreo eða öðru dökku kexi
- 50 gr dökkt 70% súkkulað
- 50 gr mjúkt ósaltað smjör
- ½ tsk sjávarsalt
Hráefni í fyllingu:
- 100 gr dökkt 70% súkkulaði
- 25 gr hveiti
- 4 msk mjólk
- 500 ml rjómi
- 50 gr dökkt kakó
- 2 tsk instant kaffiduft
- 75 g sykur
- 1 msk vanilludropar
- 2 msk matarolía
- ¾ tsk sjávarsalt
Aðferð:
1. Setjið kexið í matvinnsluvél og myljið. Gerið það sama við 50 gr af súkkulaði og blandið þessu svo saman. Bætið smjörinu og 1/2 tsk af sjávarsalti saman við og blandið vel.
2. Þrýstið þessu í form og gerið botninn jafnann og þrýstið deiginu upp í hliðarnar. Setjið þetta í frystinn í um 1 klst.
3. Gerið fyllinguna á meðan botninn er í frystinum. Fínsaxið 100 gr súkkulaði. Pískið hveiti og mjólk saman þar til blandan er kekkjalaus. Hellið rjómanum í góðan breiðan pott á miðlungshita og bætið saxaða súkkulaðinu saman við ásamt, kakó, kaffidufti, sykri, vanilludropum, olíu og sjávarsalti.
4. Hrærið í blöndunni og þegar súkkulaðið hefur bráðnað vel saman við þá færið þið pottinn af hellunni og hrærið hveiti/mjólkur blöndunni varlega saman við og hrærið vel í. Færið pottinn aftur á helluna á lágan hita. Hrærið þar til blandan fer að þykkna. Færið þá pottinn aftur af hellunni en haldið áfram að hræra. Þegar blandan er tilbúin á að vera hægt að dýfa viðarsleif ofan í og strjúka fingrinum eftir bakinu á henni og línan helst, án þess að flæði strax yfir hana aftur.
5. Hellið blöndunni í stóra könnu (mælikönnu eða hitaþolna vatnskönnu) og leyfið þessu að kólna í henni í um 15 mín, helst inn í kæli. Hellið blöndunni síðan yfir botninn og kælið yfir nótt. Takið út úr kælinum 10 mín áður en kakan er borin fram. Berið fram með þeyttum rjóma.
