Snyrtivörumógúllinn og raunveruleikastjarnan Kylie Jenner er búin að fjarlægja allar varafyllingarnar sínar en hún hefur verið með fyllingarnar síðan árið 2014.
Hún staðfesti þetta í svari við athugasemd adáanda á mynd á Instagram en stórar og fylltar varir voru hennar helsta vörumerki og prýða meðal annars snyrtivökumerki hennar.
Kylie setti mynd af sér og vinkonu sinni Anastasiu Karanikolaou á Instagram í gær en það var glöggur aðdáandi yngstu Kardasian-systurinnar sem tók eftir því að eitthvað var öðruvísi í útliti hennar.
„Hún lítur út eins og gamla Kylie á þessari mynd, ég veit ekki af hverju,“ skrifaði Halei Thorn við myndina en hún var sennilega ekki að búast við svari frá henni sjálfri. „Ég losaði mig við allar fyllingarnar,“ svaraði Kylie.
https://twitter.com/phuckmaraj/status/1016130875975708672?ref_src=twsrc%5Etfw%7Ctwcamp%5Etweetembed&ref_url=https%3A%2F%2Fwww.buzzfeed.com%2Fmichellerennex%2Fkylie-jenner-lip-fillers-removed
Varirnar á raunveruleikastjörnunni hafa verið milli tannanna á fólki síðan í byrjun árs 2014 þegar sögusagnir um varafyllingar fóru á kreik. Hún sagðist fyrst aðeins nota varablýant til að „teikna“ varirnar á sig og því væru þær svo stórar.
Kylie viðurkenndi síðan í raunveruleikaþætti fjölskyldunnar að hún hafi fengið sér varafyllingar vegna mikils óöryggis með varirnar
Kylie greindi frá því fyrir stuttu að óöryggið yfir vörunum hefði haft áhrif á dóttur hennar, Stormi. Í nýlegu Youtube-myndbandi viðrkenndi Kylie að það eina sem hún hafi verið óörugg með þegar dóttir hennar fæddist hafi verið varirnar hennar.
„Það var það eina sem ég hafði áhyggjur af en hún er með fullkomnustu varir í heiminum. Hún fékk þær ekki frá mér heldur getur hún þakkað pabba sínum fyrir þær!“ sagði Kylie hlægjandi.
Aðdáendur virðast vera ánægðir með ákvörðun raunveruleikastjörnunnar um að fjarlægja varafyllingarnar, segjast glaðir að fá gömlu Kylie aftur og að hún sé ennþá gullfalleg
kylie got her lip filler taken out and I don't have anything negative to say about it, she still looks gorgeous
— andrea (@singermendes) July 9, 2018
Kylie got rid of all of her lip fillers, this is the moment I've been waiting for and that I didn't see it coming pic.twitter.com/1mSJiN48I4
— a (@kendalljennrs) July 9, 2018